PM KISAN : మరో 5 ఏళ్ల పాటు రైతుల ఖాతాల్లో రూ.6,000.. కేంద్రం భారీ నిర్ణయం
దేశవ్యాప్తంగా రైతులకు PM KISAN పథకంపై కేంద్ర ప్రభుత్వం భారీ శుభవార్త చెప్పింది. ప్రధానమంత్రి నరేంద్ర మోదీ అధ్యక్షతన జరిగిన కేంద్ర మంత్రివర్గ సమావేశంలో PM KISAN పథకాన్ని 2026-27 నుంచి 2030-31 వరకు మరో ఐదేళ్ల పాటు కొనసాగించాలని నిర్ణయించారు. ఈ కాలానికి రూ.3.15 లక్షల కోట్ల వ్యయానికి ఆమోదం లభించింది.
PM KISAN పథకానికి మరో ఐదేళ్ల పొడిగింపు
ఈ నిర్ణయంతో అర్హులైన రైతు కుటుంబాలకు ప్రతి ఏడాది రూ.6,000 ఆర్థిక సాయం యథావిధిగా కొనసాగనుంది. మూడు సమాన విడతల్లో డైరెక్ట్ బెనిఫిట్ ట్రాన్స్ఫర్ (DBT) ద్వారా నేరుగా రైతుల బ్యాంకు ఖాతాల్లో నగదు జమ అవుతుంది. రైతుల ఆదాయ భద్రతతో పాటు వ్యవసాయ పెట్టుబడులకు ఇది మరింత మద్దతుగా నిలుస్తుందని కేంద్ర ప్రభుత్వం తెలిపింది.
| అంశం | వివరాలు |
|---|---|
| పథకం | PM KISAN |
| వార్షిక సాయం | ₹6,000 |
| చెల్లింపు విధానం | DBT ద్వారా |
| అమలు కాలం | 2026-27 నుంచి 2030-31 వరకు |
| మొత్తం ఆమోదం | ₹3.15 లక్షల కోట్లు |
| లబ్ధిదారులు | దేశవ్యాప్తంగా అర్హులైన రైతు కుటుంబాలు |
PM KISAN పథకం 2019లో ప్రారంభమైనప్పటి నుంచి రైతులకు నిరంతర ఆర్థిక అండగా నిలుస్తోంది. ఇప్పటివరకు 23 విడతల ద్వారా రూ.4.47 లక్షల కోట్లకు పైగా రైతుల ఖాతాల్లో జమ చేసినట్లు కేంద్రం వెల్లడించింది. 23వ విడతలో రూ.18,984 కోట్లకు పైగా విడుదల కాగా, 9.49 కోట్ల మందికి పైగా రైతులు లబ్ధి పొందారు.
👉 పీఎం కిసాన్ 2026 బిగ్ అప్డేట్: రైతుల ఖాతాల్లోకి భారీగా నగదు జమ.. ఇలా స్టేటస్ చెక్ చేసుకోండి!
👉 రైతులకు అలర్ట్: మార్చి 31లోపు ఈ పని చేయండి, ₹6,000 మీ అకౌంట్లోకి!
కేంద్రం వెల్లడించిన వివరాల ప్రకారం, PM KISAN పథకం ద్వారా మహిళా రైతులు కూడా పెద్దఎత్తున ప్రయోజనం పొందుతున్నారు. ఆధార్ ధృవీకరణ, డిజిటల్ వెరిఫికేషన్, DBT వ్యవస్థలతో పారదర్శకంగా నిధులు చేరుతున్నాయి. స్వతంత్ర అధ్యయనాల ప్రకారం 92 శాతం మంది రైతులు ఈ సాయాన్ని వ్యవసాయ అవసరాలకే వినియోగించగా, 85 శాతం మంది రైతులు తమ ఆదాయం మెరుగుపడిందని పేర్కొన్నట్లు ప్రభుత్వం వెల్లడించింది.
